«Шардж-2022»
2022 жылдың 14-25 наурыз аралығында Біріккен Араб Әмірлігінің Шардж және Дубай қалаларында пара жеңіл атлетикадан «Шардж-2022» ашық халықаралық турнирі және «Дубай-2022» Гран При Әлемдік сериясы өтті. Шардж қаласында өткен жарысқа 27 мемлекеттен 400-ге жуық спортшылар және Дубай қаласында өткен жарысқа 42 мемлекеттен 500-ге жуық спортшылар қатысты.
Қазақстан Республикасының ұлттық құрама сапында 21 спортшы ел намысын қорғады, оның ішінде Жамбыл облысының Дене мүмкіндігі шектеулі адамдарға арналған спорт клубынан 2 спортшы қатысты.
Жарыстың қорытындысы бойынша ұлттық құрама спортшылары 2 жарыста 4 алтын, 7 күміс және 14 қола медельдарға қол жеткізді. Оның ішінде Жамбыл облыысының спортшылары Әбілхасымқызы Салтанат 400 метр жүгіруде 1 күміс, 100 метр жүгіруде 2 қола медальдарға және Яковлева Анастасия 400 метр жүгіруде қола медальға қол жеткізді.
Спортшылардың жеке жаттықтырушысы, Мамашаев Тахир Рахимович.
Елордамыз Нұр-Сұлтан қаласында 17-ші – 19-шы наурыз күндері волейболды отырып ойнаудан Қазақстан Республикасының Кубогы өткен болатын.
Елордамыз Нұр-Сұлтан қаласында 17-ші – 19-шы наурыз күндері волейболды отырып ойнаудан Қазақстан Республикасының Кубогы өткен болатын. Жалпы жарыс жүлдесін Нұр-Сұлтан, Шымкент қалалары сондай-ақ Жамбыл, Қызылорда, Қостанай, Батыс Қазақстан облыстарының командалары сарапқа салды.
Байрақты бәсекеде Жамбылдық құрам жеңімпаз атанса, екінші орын жарыс қожайыны Елордалықтарға бұйырды, үздік үштікті Батыс Қазақстан облысының командасы түйіндеді.
Сонымен қатар, жеңімпаз құраманы жаттықтырған Сапарбеков Нұрғазы «ҮЗДІК ЖАТТЫҚТЫРУШЫ» атанды.
Қазақстан Республикасының чемпионаты өтті
2022 жылдың 10-17 наурыз аралығында Семей қаласында шахматтан тірек-қимыл аппараты зақымданған және көру қабілеті төмен сортшылар арасында Қазақстан Республикасының чемпионаты өтті.
Чемпионатқа, Қарағанды, БҚО, Жамбыл, Алматы, ШҚО, Ақмола, Қызылорда, Түркістан, Қостанай, Павлодар, Атырау, Ақтөбе облыстарынан және Шымкент, Алматы, Нұр-Сұлтан қалаларынан 70-ке жуық спортшылар қатысты. Жамбыл облысының Дене мүмкіндігі шектеулі адамдарға арналған спорт клубынан 8 спортшы қатысты.
Жарыстың нәтижесі бойынша, Алимханов Абдурашид қөру қабілеті төмен ерлер арасында 3 орын және Приданова Вера тірек-қимыл аппараты зақымданған әйелдер арасында 3 орынды жеңіп алды.
Спортшылардың жаттықтырушысы Ерғазы Дулат Берікжанұлы. @dulatyergazy
Пара дзюдодан Қазақстан Республикасының чемпионаты
2022 жылдың 11-13 наурыз аралығында Түркістан қаласында пара дзюдодан Қазақстан Республикасының чемпионаты өтті.
Қатысқан командалар: БҚО, ШҚО, Түркістан, Павлодар, Жамбыл, Ақтөбе, Алматы, Қызылорда және Шымкент, Алматы, Нұр-Сұлтан қалаларынан 80 ге жуық спортшы қатысты. Дене мүмкіндігі шектеулі адамдарға арналған спорт клубынан 7 спортшы қатысты.
Бақытжан Жұмәділ J2 санатында 60кг салмақ дәрежесінде 3 орынды жеңіп алды.
Спортшылардың жаттықтырушысы Лукманов Хайрулла Ануарбекұлы.
Сурдо жеңіл атлетикадан жабық манежде Қазақстан Республикасының чемпионаты
2022 жылдың 3-5 наурыз аралығында сурдо жеңіл атлетикадан жабық манежде Қазақстан Республикасының чемпионаты Нұр-Сұлтан қаласында өтті.
Қатысқан командалар: БҚО, ШҚО, СҚО, Павлодар, Жамбыл, Ақтөбе, Қостанай, Қарағанды, Ақмола, Қызылорда, Манғыстау және Шымкент, Алматы, Нұр-Сұлтан қалаларынан 120-ға жуық спортшы қатысты. Дене мүмкіндігі шектеулі адамдарға арналған спорт клубынан 4 спортшы қатысты.
Қырықбай Қуаныш 60м, 200м қашықтықта 1 орынды жеңіп алды.
Сибирякова Яна- үштік секіруден 1 орынды жеңіп алса, 800м және ұзындыққа секіруден 2 орын иегері атанды.
Спортшылардың жаттықтырушысы Мамашаев Тахир Рахимович.
«1-Наурыз – Алғыс айту» күні
«1-Наурыз – Алғыс айту» күні, облыс әкімі Бердібек Машбекұлы Сапарбаев спорт клуб басшысы Бейсембаев Саттар Ерғалиұлына Қазақстан Республикасының Президенті Қасым-Жомарт Кемелұлы Тоқаевтың Алғыс хатын табыс етті. Құтты болсын! @sattarbeysembayev
Дзюдодан есту қабілеті төмен спортшылар арасындағы Қазақстан Республикасының Кубогы
Дзюдо күресінен (сурдо) 2022 жылдың 20-22 ақпан аралығында Павлодар қаласында Қазақстан Республикасының Кубогы өтті. Кубокқа Нұр-Сұлтан, Алматы қалалары және Жамбыл, Павлодар, Шығыс Қазақстан, Батыс Қазақстан, Ақтөбе облыстарынан 57 спортшы қатысты.
Жарыстың қортындысы бойынша Жамбыл облысының спортшылары 3 алтын және 3 қола медальдарға қол жеткізді.
Кара оглы Фериде 48 кг -1 орын;
Егембердиева Эвелина 57 кг – 1 орын;
Краморова Анна 78 кг – 1 орын;
Қалзабеков Еркін 73 кг – 3 орын;
Тугелбаев Айдос 81 кг – 3 орын;
Кабылбеков Рахимберли – 3 орын.
Спортшылардың жеке жаттықтырушысы Лукманов Хайрулла.
