Олжас Бектенов Президент атынан Паралимпиада жүлдегерлері мен жаттықтырушыларға мемлекеттік наградалар табыс етті. Үкімет үйі ғимаратында XVII Жазғы Паралимпиада ойындарының жеңімпаздары мен жаттықтырушылар құрамын марапаттау рәсімі өтті. Премьер-Министр Олжас Бектенов Президенттің атынан жоғары спорттық жетістіктері ушін мемлекеттік наградаларды табыс етті. Паралимпиада ойындарында жүзуден күміс медаль жеңіп алған жүзуші Нұрдаулет Жумағали және жеке бапкері Саттар Бейсембаев «Парасат» орденінің, иегері атанды.

Биыл Қазақстанның Паралимпиада құрамасы тоғыз медаль жеңіп алып, тарихи рекорд орнатты, атап айтқанда, 2 алтын, 3 күміс жене 4 қола медаль алды.

Саттар Бейсембаев.

2024 жылдың 28 тамызы мен 8 қыркүйегі аралығында өткен Париждегі XVII Жазғы Паралимпиада ойындары аяқталуға жақын. Біздің Жамбыл облысының мүмкіндігі шектеулі жандарға арналған спорт клубынан төрт спортшы ел намысын қорғады: Салтанат Әбілқасымқызы (пара жеңіл атлетика), Өміралі Нышан (пара таэквондо), Нұрдәулет Жұмағали және Зүлфия Ғабидуллина (пара жүзу).

Шәкіртімнің жетістігін ерекше атап кеткім келеді. Нұрдәулет Жұмағали 100 метр брасс қашықтығында күміс медаль иегері атанды! 🥈 Бұл – Қазақстан тарихындағы маңызды оқиға! 2020 жылы Токиода өткен Паралимпиадада Нұрдәулет дәл осы қашықтықта қола медаль жеңіп алған болатын. Ендігі мақсаты – Лос-Анджелестегі Паралимпиада ойындарында алтын медальға қол жеткізу! 🏅💪

Осы жетістіктерге қолдау көрсеткен отбасым мен жанкүйерлеріме, ұжымыма, Жамбыл облысы әкімдігіне, ҚР Туризм және спорт министрлігіне және Ұлттық Паралимпиада комитетіне шын жүректен алғысымды білдіремін!

Құрметпен,

Қазақстан Республикасының еңбек сіңірген жаттықтырушысы

Саттар Бейсембаев.

XVII Жазғы Паралимпиада ойындарында біздің үздік чемпионкамыз Зүлфия Габидуллина әлемге тағы да дәлелдеді, жастың үлкен болуы үлкен жеңістерге кедергі емес екенін. Ол пара жүзу бойынша үш қашықтықта өнер көрсетті: 150 м кешенді жүзу, 50 м брасс және 50 м еркін жүзу стилінде. Әсіресе, 50 м брасс қашықтығында көрсеткен нәтижесі оның спорттық мансабындағы ең үздік көрсеткіш болды!

58 жасында Зүлфия тек ойындарға қатысып қана қоймай, жас әрі мықты қарсыластарымен тең дәрежеде жарысып, лайықты бәсекелестік көрсетті. Ол – ерік-жігердің, қайтпас қайсарлықтың және табанды еңбектің кез келген қиындықты жеңе алатынының жарқын үлгісі.

Мен осындай ұлы спортшыны тәрбиелеп, дайындағаныма мақтанамын! Зүлфия – Қазақстанның Паралимпиада ойындарындағы алғашқы чемпионы ғана емес. Ол барлық қазақстандық паралимпиадашылар үшін жаңа мүмкіндіктер әлемінің есігін ашты. Біз онымен бірге еңбек етіп, параспортты дамытып, болашақ спортшылар буынын шабыттандырып, қолдауды жалғастырамыз.

Сурдо үстел теннисінен ересектер  арасындағы

Қазақстан Республикасының чемпионаты туралы

 МӘЛІМЕТ

 Сурдо үстел теннисінен Қазақстан Республикасының чемпионаты 2024 жылдың 10-17 маусым аралығында Ақтау қаласында өтті.

Чемпионатқа қатысқан командалар: Ақтөбе, Маңғыстау, Жамбыл, Қостанай, Шығыс Қазақстан облыстары және Астана, Алматы қалаларынан спортшылар қатысты.

Жамбыл облысы Дене мүмкіндігі шектеулі адамдарға арналған спорт клубынан  4 спортшы қатысып Адилова Кулжамиля жекелей –2 орын жеңіп алса, жұптық бағдарламада 2 орынға қол жеткізді.

Дайындаған жаттықтырушы

2024 жылдың 25-31 наурыз аралығында Бішкек (Қырғызстан) қаласында есту қабілеті төмен спортшылар арасында Әлем чемпионаты өтуде. Аталған чемпионатқа 21 мемлекеттен 200-ге жуық спортшылар қатысуда.

Қазақстан Республикасының ұлттық құрама сапында 22 спортшы ел намысын қорғауда, оның ішінде Жамбыл облысының Дене мүмкіндігі шектеулі адамдарға арналған спорт клубынан 3 спортшы қатысуда. Олар: “Кашиас-ду-Сул 2022” жазғы Сурдлимпиада ойындарының екі дүркін қола жүлдегері, ҚР Еңбек сіңірген спорт шебері Рысжанов Олжас, ҚР чемпионатыры мен Спартакиадаларының жеңімпаз жүлдегерлері Рысбеков Диас пен Сейсенбаев Мади сынды спортшылар елімізідің намысын қорғауда.

Чемпионаттың екінші күні Жамбылдық спортшылар

Рысбеков Диас 54 келіде Әлем чемпионатының тұңғыш жеңімпазы атанса, Сонымен қатар

Сейсенбаев Мади 58 келіде қола жүлдеге қол жеткізді.

Спортшылардың жаттықтырушылары, Есілбаев Нұржан және Ан Александр.