Пара таеквондодан IV Пара Азия ойындары
25 қазан 2023 жыл
ӨМІРАЛІ Нышан Пара таеквондодан IV Пара Азия ойындарынан күміс жүлдегері атанды. Құтты болсын!
2023 жылдың 22-28 қазан аралығында Ханчжоу (Қытай) қаласында өтіп жатқан жазғы IV Пара Азия ойындарында спорт клубымыздың спортшысы Өміралі Нышан +80 келіде (К44) финалдық кездесуде Ирандық спортшыға ұтылып екінші орынды иеленді.
Жеке бапкері Есілбаев Нұржан Шалабайұлы.
Құттықтаймыз!
24 қазан 2023 жыл
23 қазан күні Ж.Үшкемпіров атындағы «Тараз-Арена» спорт сарайында 25 қазан – Республика күніне орай волейболды отырып ойнау спорт түрінен жолдастық кездесу өтті.
Қатысқан командалар : Дене мүмкіндігі шектеулі адамдарға арналған спорт клубының қызметкерлері, Жамбыл облысы құрамасы, «Үміт » мектеп-интернаты және Алянс студенттер командасы.
1 орын – Жамбыл облысы
2 орын – Алянс командасы
3 орын – «Үміт » мектеп-интернаты
24
13 қазан 2023 жылы сыбайлас жемқорлыққа қарсы іс-қимыл, мемлекеттік қызмет салаларындағы заңнама және мемлекеттік қызметшілердің әдеп нормаларының талаптарын сақтау бойынша Қазақстан Республикасы Мемлекеттік қызмет істері агенттігінің Жамбыл облысы бойынша департаменті, Қазақстан Республикасының Сыбайлас жемқорлыққа қарсы іс-қимыл агенттігінің (Сыбайлас жемқорлыққа қарсы қызмет) Жамбыл облысы бойынша департаменті және Жамбыл облысының Әдеп жөніндегі уәкілінің қатысуымен спорт мекемелері мен кәсіпорындар басшыларымен жиналыс өткізілді.
2023 жылдың 14-16 қазан аралығында Теміртау қаласында дзюдодан есту қабілеті төмен спортшылар арасындағы Қазақстан Республикасының Кубогі өтті.
Аталған жарысқа: Астана, Алматы,Атырау,Түркістан, Шымкент қалалары мен Абай, Жамбыл, Қарағанды, Батыс Қазақстан, Шығыс Қазақстан, Солтүстік Қазақстан облыстарынан 75-ке жуық спортшылар қатысты.
Жамбыл облысының Дене мүмкіндігі шектеулі адамдарға арналған спорт клубынан 11 спортшысы қатыстып, 3 алтын, 1 күміс, 4 қола медалдарға қол жеткізіп, жалпы командалық есепте 2 орынды иеленді. Жекелей көрсеткіштер:
– Кара оглы Ф. 52кг 1 орын ;
– Краморова А. 78кг 1 орын;
– Тугелбаев А. 90кг 1 орын ;
– Абишова А. 57кг 2 орын;
– Егембердиева Э. 63кг 3 орын
– Абильдаев С. 66кг 3 орын
– Ыдырысов С. 73 кг 3 орын;
– Кабылбеков Р. +100кг 3 орын
Спортшылардың жаттықтырушысы Лукманов Хайрулла.
2023 жылдың 7-8 қазан аралығында Прага (Чехия) қаласында арбадағы спорттық биден классификациялық «Прага-2033» Халықаралық жарысы өтті.
Аталған жарысқа: Қазақстан, Чехия, Словения, Германия, Венгрия, Бразилия, Дания, Финляндия, Италия, Нидерландия, Турция, Франция, Бельгия, Греция мемлекеттерінен 100-ге жуық спортшы қатысты.
Жамбыл облысының Дене мүмкіндігі шектеулі адамдарға арналған спорт клубынан 6 спортшы қатысып, 2 алтын, 1 күміс, 2 қола медалдарға қол жеткізді. Олар:
1 орын
– Duo Standard CLASS Аманбеков Талғат & Ахметова Наргиза
– Duo Freestyle CLASS 2 Аманбеков Талғат & Ахметова Наргиза
2 орын
– Combi Standard CLASS 2 Серж Аванесов & Ахметова Наргиза
3 орын
– Single Conventional Man CLASS 2 Аманбеков Талғат
– Combi Latin CLASS 1+2 Серж Аванесов & Ахметова Наргиза.
Спортшылардың жаттықтырушысы, Аубакиров Габит.
21 қыркүйек 2023ж
2023 жылдың 15-19 қыркүйек аралығында Алматы қаласында футболдан көру қабілеті төмен спортшылар арасында Қазақстан Футбол Федерациясының кубогі өтті, аталған жарысқа еліміздің облыстарын Алматы, Ақтөбе, Түркістан, Жамбыл және Алматы қаласынан 40 жуық спортшы қатысты. Жарыстың қорытындысы бойынша: 1 орын – Алматы облысы, 2 орын – Алматы қаласы, 3 орын – Жамбыл облысы иеленді. Сонымен қатар, Дене мүмкіндігі шектеулі адамдарға арналған спорт клубының спортшысы Сертеков Бернар ең үздік қорғаушы және Еденов Еркегали ең үздік қақпашы деп анықталды. Жаттықтырушы Аргынбаев Ерлан Елкелдиевич.
21 қыркүйек 2023 жыл
2023 жылдың 14-17 қыркүйек аралығында Қарағанды қаласында таеквондодан (сурдо) Ауған-жауынгерлерін еске алуға арналған XVIII халықаралық турнир өтті.
Аталған жарысқа, еліміздің 7 облыстарынан және Өзбекстан, Қырғызстан, Ресей мемлекеттерінен 70-тен аса спортшылар қатысты.
Жамбыл облысының Дене мүмкіндігі шектеулі адамдарға арналған спорт клубынан 3 спортшы қатысты.
Жарыстың нәтижесі бойынша Жамбылдық спортшылар келесі орындарға қол жеткізді:
-Сейсенбаев Мади 58 кг Керуги – 2 орын, Пумсе – 1 орын.
-Рысбеков Диас 58 кг Керуги 3 орын, Пумсе – 3 орын;
-Рысжанов Олжас жекелей Пумсе – 2 орын, Пумсе жұпта – 1 орын.
Спортшыларды дайындаған жаттықтырушылар, Ан Александр және Есілбаев Нұржан.
Пара таеквондодан Әлімдік Гран при G6 турнирі
21 қыркүйек 2023ж
2023 жылдың 18-19 қыркүйек аралығында Веракруз (Мексика) қаласында өткен пара таеквондодан Әлімдік Гран при G6 турнирінде Жамбылдық спортшы Өміралі Нышан +80кг 3 орынға ие болды.
Жалпы жарысқа 12 мемлекеттен 70 ке жуық спортшы қатысты. Жаттықтырушысы Есілбаев Нұржан Шалабайұлы.
ВОЛЕЙБОЛДЫ ОТЫРЫП ОЙНАУДАН АШЫҚ ТУРНИР
ВОЛЕЙБОЛДЫ ОТЫРЫП ОЙНАУДАН АШЫҚ ТУРНИР Бүгін қыркүйек айының 20-сы күні Тараз қаласы Ж. Үшкемпіров атындағы “Тараз -Арена” спорт кешенінде волейболды отырып ойнаудан Жамбыл облысының ашық турнирі өтті. Турнирге Өзбекстан мемлекетінен, Алматы қаласы, Шымкент қаласы және Тараз қаласының спортшылары қатысты. Жамбыл облысының ашық турнирін Дене мүмкіндігі шектеулі адамдарға арналған спорт клубы басшысының орынбасары Жолшыбеков Нұрлан Мұратұлы салтанатты түрде ашты.
Пара таеквондодан Ашық Азия чемпионаты
15 қыркүйек 2023ж
2023 жылдың 9-10 қыркүйек аралығында Бейрут (Ливан) қаласында пара таеквондодан Ашық Азия чемпионаты өтті.
Аталған жарысқа, 14 мемлекеттен 72 спортшы қатысып, Қазақстан Республикасының ұлттық құрама командасы сапында 13 спортшы ел намысын қорғады.
Оның ішінде, Жамбыл облысының Дене мүмкіндігі шектеулі адамдарға арналған спорт клубынан 2 спортшы қатысты. Олар, Қазақстан Республикасының халықаралық дәрежедегі спорт шебері Әлем чемпионатының екі жеңімпазы Өміралі Нышан, Азия чемпионатының екі дүркін күміс жүлдегері Ержанов Жумагали және Жұманғали Айбек сынды спортшылар ел намысын қорғады.
Жарыстың қорытындысы бойынша Жамбыл облысының спортшысы Өміралі Нышан +80 келіде қола медальға қол жеткізді.
Спортшылардың жеке бапкері, Есілбаев Нұржан Шалабайұлы.
