2018 жылдың 7-10 маусым аралығында Берлин қаласындағы (Германия) олимпиалық жүзу бассейнінде паралимпиалық спортшылар арасында жүзуден Әлем Кубогі өтуде.

Жарысқа әлемнің 47мемлекетінен және Германияның 50 спорт клубтарының командаларынан жалпы 517 үздік жүзушілері қатысуда. Бұл спортшылар жалпы 2732 қашықтықта жарысады.

Қазақстан Республикасының намысын паралимпиалық ұлттық құрама команда сапындағы жалпы 19 жетекші спортшылар мен жас жүзушілер қорғайды. Олар: Қазақстан Республикасының Тұңғыш Паралимпиада ойындарының жеңімпазы, Әлем чемпионы Зульфия Габидуллина (Жамбыл облысы),Әлем чемпионы Наталья Звягинцева (Қарағанды), Әлем чемпионаттарының күміс және қолажүлдегері Әнуар Ахметов (Астана қаласы),  Роман Агалаков (Оңтүстік Қазақстан облысы), Андрей Афанасьев (Қарағанды облысы). Осы спортшылармен қатар,   Ержан Сәлімгереев пен Ли Дмитрий (Атырау облысы), Ибрашев Мансурбек пен Алина Дубинина (Оңтүстік Қазақстан облысы), Кирилл Ильюкевич (Алматы қаласы), Аскар Қуаныш пен Эллина Байдельдинова (Маңғыстау облысы), Жолдасбаев Шахан (Ақтөбе обысы), Советханов Нұралы (Ақмола облысы), Далиев Сиязбек, Уақпаев Әлібек және Елдікенов Ерлан (Астана қаласы), Кинах Сергей мен Потапов Роман (Қарағанды облысы).

04.06. – 05.06 күндері Қазақстанның жас спортшылары Елдікенов Ерлан, Потапов Роман, Советханов Нұралы және Уақбаев Әлібек халықаралық классификаторлардың тексеру процесстерінен өтіп, өздерінің мүгедектік диагноздарына сәйкес халықаралық класстарына ие болды. Атап айтсақ, Елдікенов Ерлан -S9/SB8/SM9;  Потапов Роман – S12/SB12/SM12; Советханов Нұралы мен Уақбаев Әлібек – S12/SB12/SM12.

07.06.2018 жылы,жарыстың бірінші күнінің қорытындысы бойынша Қазақстанның құрама командасы төмендегі жүлделі орындарды иеленді:

1. Жамбыл облысының спортшысы, ҚР еңбек сіңірген спорт шебері Зульфия Габидуллина (ҚР Еңбек сіңірген жаттықтырушысыСаттар Бейсембаевтың шәкірті) келесі нәтижені көрсетті: S3 класындағы спортшылар арсында 200 метр еркін жүзу қашықтықта  3:29.47 көрсеткішпен  бірінші орынды иеленіп,алтын медальдіұтты. Және осы қашықтықта абсалюттік финалға шығып,барлық класстағы (1-14 класс аралығы) үздік спортшылардың ішінде жүлделі 3-ші орынды ұтты. Сонымен қатар, 1-ші дәрежелі «Masters» (үлкенжасына сәйкес) атты алтын медальға ие болды.
2. Қарағанды облысының спортшысы Наталья Звягинцева (жаттықтырушысы Наталья Манохина) 200 метр арқамен жүзуінде абсалюттік кездесуде(1-14 класс аралығы) 3:14.71 көрсеткішпен 3-ші орынға ие болып, қола медальды ұтты.
3. Атырау облысының жүзушісі Ержан Салимгереев (жаттықтырушысы Нурлан Жумагалиев пен Ақынбек Бауыржан) S6 класындағы спортшылар арасында 100 метр баттерфляй қашықтыққа қатысып, 1:21.61 көрсеткішпен алтын медальды ұтты.
4. Шығыс Қазақстан облысы, Өскемен қаласының спортшысы Советханов Нұралы (жаттықтырушысы Филимонов Максим) S13 кластағы жасөспірімдер арасында, 100 метр брасс қашықтықта 1:16.93 көрсеткішпен алтын медаль ұтып алды.
5. Ануар Ахметов (жаттықтырушысы Айдын Анапин) S12 класындағы спортшылар арсында 100 метр брасс жүзуінде 01:14.06 көрсеткішпен күміс медальды ұтты.
6. Атырау облысының атынан шығып жатқан Дмитрий Ли (жаттықтырушысы Евгений Заречнев пен Виктор Ли) 200 метр еркін жүзу қашықтықта S10 класында, 2:05.84 көрсеткішпен күміс мельды ұтты.
7. Роман Агалаков (жаттықтырушысы Сания Асулова) S13 класындағы спортшылар арсында 100 баттерфляй жүзуінде 01:00.91 көрсеткішпен қола мельды ұтты.
8. 4х50 кешенді аралас (ерлер/әйелдер) эстафета жарысында (Н.Звягинцева, Р.Агалаков, А.Ахметов пен А.Дубинина) ҚР құрама командасы 1-ші орынды ұтып алды.

Жалпы 2018 жылдың 7 маусым күні ҚР құрама командасының қоржынына жекекласстар бойынша 5 алтын медаль, 2күміс және 1 қола медальдар түсті. Ал, абсалюттік жарыста екі  қола медальға ие болдық.

Қазақстан Республикасының

бас жаттықтырушысы                                             С.Бейсембаев