Нурымов Берік 2019 жылдың желтоқсан айында Валтеллина (Италия) қаласында өткен ХІХ қысқы Сурдлимпиада ойындарының командалық шахматтан жеңімпазы.
       Қазіргі таңда, Жамбыл облысының Дене мүмкіндігі шектеулі адамдарға арналған спорт клубында төрт Қазақстан Республикасының Еңбек сіңірген спорт шеберлері тұрақты түрде спортпен шұғылданады. Олар:
       Еркін күрестен 2013 жылы София (Болгария) қаласында өткен ХХІІ жазғы Сурдлимпиадалық ойындарының тұңғыш жеңімпазы Есжанов Ғабит Тұрсынханұлы;
       Жүзуден 2016 жылы Рио-де-Жанейро (Бразилия) қаласында өткен XV жазғы Паралимпиадалық ойындарында ел тарихында тұңғыш рет жеңімпаз атанған Габидуллина Зульфия Раухатовна;
       Командалық шахматтан 2019 жылы Вальтеллина (Италия) қаласында өткен ХІХ қысқы Сурдлимпиада ойындарында тұңғыш рет алтын медальға қол жеткізген Нурымов Берік Шайжанұлы;
       Жүзуден 2021 жылы 24 тамыз – 5 қыркүйек аралығында Токио (Жапония) қаласында өткен XVI жазғы Паралимпиадалық ойындарында тұңғыш рет қола медальды иеленген Жұмағали Нұрдаулет Мақсұтұлы.