2021 жылдың 1-3 маусым аралығында «Тараз-Арена» спорт сарайында тірек-қимыл аппараты зақымданған және көру қабілеті төмен спортшылар Жамбыл облысы Спартакиадасы өтті. Жарысқа Жамбыл, Шу, Қордай, Талас, Меркі, Т.Рыскулов, Сарысу аудандары және Тараз қаласынан жалпы 113 спортшы қатысты.
       Спартакиаданың басты мақсаты, 2021 жылдың 15-27 қыркүйек аралығында Нұр-Сұлтан және Шымкент қалаларында өтетін ҚР 6-шы Спартакиадасына қатысу үшін Жамбыл облысының құрама командасын жасақтау.
       Жарыс, жүзу, жеңіл атлетика, пауэрлифтинг, үстел теннисі, таеквондо, отырып ойнау волейболы, дзюдо, нысананы көздеу, голбол, тоғызқұмалақ, дойбы «64», дойбы «100», шахмат, арбадағы спорттық би спорт түрлерінен өтті.