Еркін және грек-рим күресінен есту қабілеті төмен жасөспірімдер, жастар және U-23 жасқа дейінгі жастар арасындағы Қазақстан Республикасының чемпионаты

2022 жылдың 1-5 тамыз аралығында Қостанай қаласында еркін және грек-рим күресінен есту қабілеті төмен жасөспірімдер, жастар және U-23 жасқа дейінгі жастар арасында Қазақстан Республикасының чемпионаты өтті.

Еркін күрестен U-23 жасқа дейінгі жастар арасындағы өткен чемпионатқа 10 командадан 37 спортшы қатысты. Чемпионаттың қорытындысы бойынша Жамбыл облысының спортшылары 4 алтын, 3 қола медальдарға қол жеткізді.

Жастар арасында еркін күрестен 10 командадан 17 спортшы қатысты, чемпионаттың қорытындысы бойынша Жамбыл облысының спортшылары 1 алтын, 1 қола және  жасөспірімдер арасында 16 спортшы қатысып Жамбыл облысының спортшылары 1 күміс медальға қол жеткізді.

Грек-рим күресінен U-23 жасқа дейінгі жастар арасындағы өткен чемпионатқа 10 командадан 41 спортшы, жастар арасында 21 спортшы және жасөспірімдер арасында 25 спортшы қатысты. Чемпионаттың қорытындысы бойынша Жамбыл облысының спортшылары U-23 жасқа дейінгі жастар арасындағы өткен чемпионатта 3 алтын, 1 күміс, 1 қола медальдарға, жастар арасында 2 алтын медальдарға және жасөспірімдер арасында 1 күміс медальға қол жеткізді.

                                                           Жарыстың нәтижесі

Еркін күрестен

Грек-рим  күресі

Жамбыл облысының Дене мүмкіндігі шектеулі адамдарға арналған спорт клубынан 9 спортшы қатысып жалпы командалық есепте еркін күрестен 1 орын, грек-рим күресіненен – 2 орын иегері атанды. Дайындаған еркін күрестен Қазақстан Республикасының Еңбек сіңірген жаттықтырушысы Ерназар Конысбаев.